Pranvera Dalloshi

Dr. Pranvera Dalloshi është Doktore e Shkencave Ekonomike, akademike dhe menaxhere me përvojë të konsoliduar në sektorin bankar, privat dhe arsimin e lartë në Kosovë. Ajo ka ndërtuar një karrierë profesionale që ndërthur ekspertizën financiare, menaxheriale dhe akademike, me fokus në zhvillimin institucional dhe qeverisjen e mirë.
Karrierën e ka nisur në Raiffeisen Bank Kosovë, ku për më shumë se një dekadë ka ushtruar funksione kyçe në kontabilitet, raportim dhe analizë financiare, duke avancuar deri në pozitën e Specialistes së Lartë të Raportimit Financiar. Paralelisht, ka qenë e angazhuar në sektorin privat dhe aktualisht mban pozitën e Drejtoreshës Ekzekutive (CEO) të kompanisë Bliss sh.p.k.
Në arsimin e lartë, Dr. Dalloshi ka qenë e angazhuar në Universitetin e Prishtinës dhe në Kolegjin AAB, ku ka ligjëruar në nivel bachelor dhe master, si dhe ka kontribuar në hartimin e programeve të studimit dhe në proceset e akreditimit akademik.
Ajo është autore dhe bashkautore e publikimeve shkencore në revista ndërkombëtare të indeksuara dhe pjesëmarrëse aktive në konferenca dhe projekte kërkimore ndërkombëtare, përfshirë projekte të financuara nga Erasmus+.